د پوهني وزارت سرپرست نورستان ولایت ته سفر وکړ
د پوهنې وزارت سرپرست الحاج مولوي حبیب الله آغا د يوه کاري سفر په ترڅ کې د نورستان ولایت مرکز پارون ته لاړ او هلته د پوهنې ریاست په انګړ کې د پوهنې رئیس مولوي تاج محمد مطمئن ترڅنګ د بېلابېلو دولتي ادارو رئیسانو د پوهنې مسئولينو او ولسي مشرانو له لوري د يوې سترې غونډې په ترڅ کې ورته تود هرکلی وویل شو.
د غونډې په پيل کې د نورستان پوهنې رئیس مولوي تاج محمد مطمئن پلاوي ته د ښه راغلاست تر څنګ
د پوهنې ریاست اړوند لاسته راوړنې، شته ننګونې او غوښتنې يې ورسره شریک کړې او ډاډ يې ورکړ چې د پوهنې وزارت له اصولو او طرزالعملونو سره سم به خپل ښوونيز او روزنيز فعالیتونه پلي کړي، ولس ته به غوره خدمتونه وړاندې کوي.
ورپسې د پوهنې وزارت سرپرست د عصري او ديني علومو پر اړتيا او ارزښت تفصيلي وينا وکړه او له ټولو يې وغوښتل چې خپلو اولادونه ښوونځيو او مدارسو ته واستوي.
نوموړي زیاته کړه: په هېواد کې دیني مدارسو ته سل زره بستونه د عالیقدر شیخ امیرالمؤمنین حفظه الله له لوري منظور شوي چې نورستان ولایت لپاره د نورو ولايتونو په نسبت زیات بستونه ځانګړې شوې دي.
د نورستان ولایت د ولسونو په استازولۍ مولوي سميع الله خنجر او مولوي نعمت الله ويناوې وکړې.نوموړو د پوهنې وزارت له مشرتابه مقام څخه مننه وکړه چې نورستان ولایت ته ځانګړې پاملرنه لري
