د ولایتو له پوهنې ډګره څو لنډ خبرونه
ننګرهار
د ننګرهار ولایت جلال آباد ښار اړوند تجربوي عالي لېسې کارکوونکو، د علمي او کلتوري کمېټې د فعالولو لپاره په ټولیزه توګه ۱۴،۷۰۰ افغانۍ عالي لېسې ته ځانګړې کړې.
همدارنګه
د یاد ولایت کوزکونړ ولسوالۍ د توکل بابا عالي لېسې یو تن ښوونکي هم له یادې لېسې سره د ۴،۶۰۰ افغانیو مرسته وکړه.
هلمند
د هلمند ولایت د مدارسو او دارالعلوم د ۴۷۴ تنو طلابو ترمنځ، د صرف او نحوې مضمونونو په برخه کې علمي سیالۍ پیل شوې.
د یاد ولایت پوهنې ریاست رئیس محترم الحاج مولوي محمد عوض انصاري وویل چې، د دغو سیالیو اساسي موخه، د طلابو د علمي پوهې کچې لوړول دي.
بادغیس
د پوهنې وزارت د کیفیت تضمین معینیت یو پلاوی د عملیاتي پلان د لومړیتوبونو د پلي کولو بیاکتنې او څارنې لپاره بادغیس ولایت ته ورسېد.
