د ولایتونو پوهنې کړنو ته لنډه کتنه

media-moe
یکشنبه ۱۴۰۳/۱/۱۹ - ۱۱:۴۶
22

هلمند

د هلمند ولایت مرکز لښکرګاه ښار د وزیر محمد اکبر خان په عالي لېسه کې، په اړینو ښوونیزو تجهیزاتو سنبال یو باب کتابتون او لابراتوار پرانیستل شول.

یاد کتابتون د دغه ولايت د پوهنې رياست له لوري د مرستندويه بنسټونو په همکارۍ جوړ شوى، چې شاوخوا ۶ زره ټوکه درسي کتابونه لري.

ياد لابراتوار د پنځوسو زده کوونکو ظرفيت لري، چې په پرمختللو تخنیکي او ښوونیزو وسایلو سنبال دی.

کاپیسا

د کاپيسا ولايت مرکز اړوند د «ده بابا علي» کلي يو شمېر ديني علماوو او قومي مخورو د یاد ولايت له پوهنې رئيس سره وکتل.

په یاده غونډه کې قومي مخورو د خپلو ستونزو او وړانديزونو د وړاندې کولو پر مهال، په خپله سیمه کې د یو باب ښوونځي د تاسیس کېدو غوښتنه وکړه.

زابل

د زابل ولایت پوهنې ریاست د یاد ولایت په مرکز کلات ښار کې د مدارسو او دارالحفاظونو د یو شمېر استادانو او مسئولینو لپاره یو ورځنی ښوونیز سیمینار جوړ کړ.

په یاد سیمینار کې د پوهنې ریاست روزونکو، کارکوونکو ته په اداري او تدریسي چارو کې روزنه ورکړه.

پنجشېر

د پنجشېر ولايت پوهنې رياست د دغه ولايت د مدارسو او دارالعلومونو د ۱۰۰ تدريسي او اداري بستونو د ډکولو په موخه، له نوماندانو څخه رقابتي آزموينه واخيسته.

د یاد رياست مسئولينو په دې اړه معلومات وړاندې کړل او ویې وويل: د دغه پروسې بريالي کسان به د همدې رياست په اړوندو بېلا بېلو برخو کې د استادانو او اداري کارکوونکو په توګه وګمارل شي.

کاپیسا

د کاپیسا ولایت پوهنې ریاست په یاد ریاست کې د ۳ خالي بستونو د ډکولو په موخه، له ګډون والو څخه رقابتي آزموینه واخیسته.

تازه خبرونه

یکشنبه ۱۴۰۴/۹/۹ - ۱۵:۷
Background image

د لسمو ټولګو له زده‌کوونکو څخه د ځینو درسي مضمونونو معیاري ازموینه اخیستل کېږي

دا چې د درسي کیفیت لوړول او د ازموینو معیاري کول د پوهنې وزارت د ستراتیژیک پلان له مهمو لومړیتوبونو څخه دي؛ نو په همدې موخه د معیاري ازموینو او ښوونیزو پایلو ارزونې ریاست د خپلې کاري. . .

یکشنبه ۱۴۰۴/۹/۹ - ۱۵:۵
Background image

په جوزجان ولایت کې د شاوخوا ۱۰۰۰۰ تنو زده‌کوونکو لپاره د سیمه‌ییزو او چټکو زده‌کړو ټولګي تاسیس شول

د جوزجان ولایت پوهنې ریاست، د ملاتړ کوونکو ادارو په همکارۍ، په یاد ولایت کې د مدارسو او ښوونځيو تر څنګ د سیمه‌ییزو، چټکو او مخکې له ښوونځي څخه د زده‌کړې ټولګي پراخ کړي دي؛ هغه نوښت چې. . .

یکشنبه ۱۴۰۴/۹/۹ - ۱۵:۳
Background image

په کندهار ولایت کې د څه کم ۸ مېلیونه افغانیو په لګښت د یو ښوونځي ودانۍ پرانستل شوه

د کندهار ولایت میانشین ولسوالۍ د زمتو په سیمه کې د اسحاق‌زي ښوونځي نوې ودانۍ، چې د یوې همکارې ادارې په مرسته د ۷.۹۸ مېلیونه افغانیو په لګښت جوړه شوې، د پوهنې چارواکو، سیمه‌ییزو حکومتي. . .

BACK TO NEWS