د ولایتونو له پوهنې ډګره څو لنډو خبرونو ته کتنه
پکتیکا
د یو تن علمپاله شخصیت محترم حاجي مدو لخوا د پکتیکا ولایت په بکخېل ولسوالۍ کې د نوي تأسیس شوي ښوونځي د ودانۍ جوړولو لپاره ۳ جرېبه ځمکه وقف شوې ده.
هرات
د خیریه بنسټونو له خوا د هرات ولایت له پوهنې ریاست سره د ۱۵۰۰ زینتي نیالګیو مرسته شوې ده، چې ټاکل شوې دغه نیالګي د مرکز او ولسوالیو د تعلیمي بنسټونو د زرغونوالي او ښکلا په موخه ووېشل شي.
دایکنډي
د دایکنډي ولایت پوهنې ریاست له لوري، د یاد ولایت د معتادینو روغتون ۴۰ تنو ناروغانو لپاره د سواد زدهکړې ټولګي جوړ او فعال شول.
ننګرهار
د ننګرهار ولایت روداتو ولسوالۍ اړوند د خدیجةالکبرا لېسې لپاره د ۹۱ زره ۸۱۰ افغانیو په لګښت یو لوی سیوری (سایهبان) جوړ شوی دی.
د پوهنې مسئولینو په وینا، د دغه سایهبان مالي لګښت د یادې ولسوالۍ د معارفپالو خلکو له خوا ورکړل شوی دی.
