د ولایتونو د پوهنې ریاستونو مسلکي غړو لپاره ۶ ورځنی روزنیز ورکشاپ پیل شو

د پوهنې وزارت له لوري د مرکز او ولایتونو د پوهنې ریاستونو د ۷۰ تنو مسلکي غړو اداري وړتیاوو لوړولو لپاره ۶ ورځنی روزنیز ورکشاپ، نن د یاد وزارت د کارکوونکو چارو لوی رئیس محترم مفتي شفیع الله منصور، د استخدام رئیس محترم مولوي محمدصادق صدیقي، مسئولینو او کارکوونکو په حضور کې پرانیستل شو.
د یاد روزنیز ورکشاپ په پرانیسته کې د کارکوونکو چارو لوی رئیس مفتي شفېع الله منصور د خپلو خبرو پرمهال، ښوونه او روزنه په اسلام کې مهم اصل وباله او له منسوبینو یې وغوښتل چې په خپلو دندو کې حسن سلوک، اخلاق، مسئولیت، ژمنتیا او اخلاص ته جدي پام وکړئ، ترڅو د خپل اسلامي نظام په لااستحکام او قوت کې خپله ونډه واخلئ.
ورپسې د پوهنې وزارت د استخدام محترم رئیس وویل چې له دغه روزنیز پرګرام یې بنسټیزه موخه، د دندو لاښه والی، د کارکوونکو اداري مهارتونو پیاوړتیا او د هغوی د علمي ظرفیتونو لوړول دي.
د یادونې وړ ده چې د ورکشاپ په پای کې به د پوهنې رهبري لخوا ګډون‌والو ته تصدیق پاڼې هم ووېشل شي.