د هېواد په ولایتونو کې د دیني مدارسو طلابو ترمنځ د صرف او نحوې سیالۍ پیل شوې
د پوهنې وزارت اسلامي زده کړو معینیت د دارالعلومونو ریاست د ځانګړي پلان سره سم، د مدارسو او دارالعلومونو د طلابو علمي کچې لوړولو لپاره، د هېواد په ولایتونو کې د "صرف او نحوې" سیالۍ پیل شوې دي.
یادې سیالۍ چې ولایتونو ته د اسلامي زده کړو معینیت د لېږل شویو پلاويو تر څارنې لاندې ترسره کېږي، نن د میدان وردګ، پروان، هرات او بدخشان ولایتونو د تعلیمي ادارو د شاوخوا ۴۰۰۰ تنو زده کوونکو ترمنځ پیل شوې، چې په همدې موخه د پوهنې وزارت د دارالعلومونو د رئیس محترم الحاج مولوي عبدالقدوس قدوسي په مشرۍ پلاوی بدخشان ولایت ته تللی دی.
د اسلامي زده کړو معینیت د چارواکو په وینا؛ ټاکل شوې ده چې د ازموینې پایلې د وزارت د مسئول ټیم لخوا وارزول شي او پایلې به یې ژر تر ژره اعلان شي، چې ممتازه طلابو ته به ډالۍ ورکړل شي.
