د هېواد د خپلواکۍ د بېرته اخېستو د سلمې کلیزې په ویاړ د عامه پوهاوی غونډه جوړه شوه
د پوهنې وزارت_ارزګان : د پوهنې وزارت د رسمي لارښوونې له مخې د ارزګان ولایت د پوهنې ریاست په نوښت د هېواد د خپلواکۍ جشن د نمانځلو لپاره د عامه پوهاوی غونډه جوړه شوه.
په هغه غونډه کې چې په همدي موخه جوړه شوي وه د ارزګان ولايت مرستيال والي، دپوهنې رییس میرزامحمد سالارزیی، دارزګان ښاروال، د اطلاعاتو فرهنګ رييس، د بشري سرچينو رييس، د رسنېو استازو، مدني فعالانو، قومي مشرانو او د ښوونځيو ښوونکو او زده کوونکوګډون کړى وو.
په ياده غونډه کې د غازي امان الله خان په ژوند، کارنامو او استقلال په ترلاسه کولو باندې بحثونه وشو، علمي مقالې او حماسي ترانې ولوستل شوى او نوې نسل د خپلو نومياليو په کارنامو باندى خبر شوه.
د افغانستان خپلواکي په ۱۲۹۸ لمریز کال کې چې له ۱۹۱۹ میلادي کال سره سمون خوري بېرته اخېستل شوې ده.
د افغانستان استقلال شاه امان الله خان د بریتانیا له حکومته تر لاسه کړی، چې دغه ورځ هر کال په ټول هېواد کې لمانځل کېږي.
