د هرات ښار په یو باب لېسه کې علمي او کلتوري نندارتون پرانیستل شو
د هرات ښار په بابا زنګي عطاء عالي لېسه کې د زدهکوونکو د استعدادونو پېژندلو لپاره یو علمي، کلتوري او تعلیمي نندارتون پرانیستل شو.
د یاد نندارتون د پرانیستې په مراسمو کې، د هرات ولایت پوهنې رئیس محترم مولوي رحمت الله جابر د زدهکوونکو د علمي نوښتونو او وړتیاوو د ستاینې په ترڅ کې، د داسې پروګرامونو ترسره کول د دوی د علمي، فکري او تعلیمي ودې لپاره مهم او اغېزمن وګڼل.
دغه راز نوموړي د دغې لېسې د زدهکونکو، ښوونکو او مسئولینو له هڅو ستاینه وکړه او د دغه ډول نندارتونونو په دوام یې هم ټینګار وکړ.
د یادونې وړ ده چې یاد نندارتون به دوه ورځې دوام وکړي او د زدهکوونکو لسګونه علمي، کلتوري او تعلیمي اثار به نندارې ته وړاندې شي.
