د میدان وردګ ولایت له تعلیمي مرکزونو سره نږدې ۱۲ مېلیونه افغانۍ مرسته شوې
د میدان وردګ ولایت پوهنې ریاست ویلي چې، د ۱۴۰۴ لمریز کال د تلې په میاشت کې، د یاد ولایت اوسېدونکو په ټولیزه توګه ۱۱ مېلیونه ۸۷۵ زره ۵۵۰ افغانۍ تعلیمي ادارو ته ورکړې دي، چې په کې د دوه پوړیزې ودانۍ جوړول، د ښوونځیو بیارغونه، د شاوخوا دېوالونو رغونه، د اوبو رسولو سیسټمونو جوړول او د اداري تجهیزاتو پېرودل شامل دي.
د دغه ولایت پوهنې رئیس له مرستهکوونکو څخه د ستاینې په ترڅ کې وویل چې د زدهکوونکو لپاره د سالم او مناسب ښوونیز چاپېریال برابرول د پوهنې وزارت له لومړیتوبونو څخه دي.
د یادونې وړ ده چې د ۱۴۰۴ لمریز کال له پیل راهیسې، ځایي خلکو د تعلیمي شوراګانو سره په همغږۍ، په ټولیزه توګه ۲۵.۲ مېلیونه افغانۍ پوهنیزو ادارو ته د ملاتړ په موخه ورکړې او دا پروسه لاهم روانه ده.
