د لوګر ولایت عامو خلکو لخوا د ۲ بابه دیني مدارسو جوړولو لپاره نږدې ۱۵۰ زره افغانۍ مرسته وشوه
د لوګر ولایت برکي برک ولسوالۍ اړوند شهید امیر حمزه (رضي الله عنه) او غازي امین الله دیني مدارسو لپاره، د یوې معارف دوستې کورنۍ (نایب خېل) لخوا د ۱۴۷ زره افغانیو په لګښت مالي مرسته وشوه، چې د بیارغونې، لمریزې برېښنا سیسټمونو جوړولو، کتابونو، اړینو توکو او تخنیکي تجهیزاتو پېرودلو برخو کې ولګول شوه.
د پوهنې وزارت مشرتابه د هېوادوالو، په ځانګړې توګه د لوګر ولایت علم پروره خلکو له مادي او معنوي ملاتړ ستاینه کوي او باور لري چې دغه وزارت کولی شي، د افغانستان د علم پروره خلکو سره په همکارۍ، ټولې ستونزې حل او د هېواد بچیانو لپاره لاغوره ښوونیز او روزنیز چاپېریال برابر کړي.
