د لوګر د راتلونکي کانکور ازموینې ته د نوم ثبتونې بهیر پیل شو
دپوهنې وزارت_لوګر: د لوګر د پوهنې ریاست له خوا د راتلونکي کانکور ازموېنې د داوطلبانو د نوم ثبتونې او فورمو ویشلو بهیر پیل شو.
یاد بهیر د پوهنې وزارت د عمومي زده کړو معینیت د لارښوونې له مخې پیل شو، چې پنځلس ورځې به دوام وکړي.
دغه فورمې د اړوندو ښوونځیو له لارې پر زده کوونکو ویشل کیږي، چې د یوې فورمې بیه له لارښود کتابچې سره ۴۰۰ افغانۍ ده.
ټاکل شوې، چې د راتلونکي کانکور ازموینې ته پر ۳۷۵۰ زده کوونکو د کانکور د ګډون فورمې وویشل شي، چې ۴۰۰ یې نجونې دي.
د لوګر د پوهنې ریاست له ټولو زده کوونکو غوښتنه کوي، چې خپلې فورمې په دقیقه توګه ډکې کړي او تر لاسلیک وروسته د خپل ښوونځي ادارې ته یې تسلیم کړي
