د لغمان ولایت ښوونځیو کې د زده کوونکو ترمینځ علمي سیالۍ تر سره شوې
پوهنې وزارت، لغمان: د لغمان ولایت د پوهنې ریاست مشرتابه په لارښوونه د زده کوونکو د ذهنې ودې په موخه مرکز پورې اړوند د نجونو شپږو ښوونځیو ترمینځ علمي سیالۍ ترسره شوې.
د سیالۍ په پیل کې د ښاري حوزې د څارنې آمر مولوی عبدالمتین مبشر، د سیالۍ په ارزښت خبرې وکړې او د سیالې طرزالعمل یې بیان کړ.
یاده سیالۍ د ژوري هییت تر څار لاندی د (حیدرخانیو ، کتبزایو، مهترلمک، چهلمټیو، هرمل اوچهاردهي) ښوونځیو ترمینځ ترسره شوې چې، په پایله کې د کتبزایو د نجونې لیسې د ۱۰۰ نمرو په اخیستلو لومړی مقام،حیدرخانیو ښوونځي دویم مقام او د چهلمټیو لیسې دریم مقام تر لاسه کړ.
د سیالۍ په پایله د پوهنې ریاست چارواکو لخوا ګټوونکو زده کوونکو ته ډالۍ وویشل شوې.
