د دایکنډي ولایت شهرستان ولسوالۍ د ښوونیزو ادارو له احصائیوي سیمینار څخه څارنه وشوه
د پوهنې وزارت د معلوماتو او احصائیې رئیس الحاج مولوي بسم الله نعماني د دایکنډي ولایت د پوهنې ریاست د احصائیوي سیمینارونو څخه د څارنې په تر څ کې د یاد ولایت شهرستان ولسوالۍ ته ولاړ او له هغو احصائیوي سیمینارونوڅخه لیدنه وکړه، چې د پوهنې آمریت د مسئولینو او د همدغه ولسوالۍ د ښوونیزو بنسټونو د آمرینو او کارکوونکو لپاره په لاره اچول شوي دي.
نوموړي د ياد پروګرام له ګډون والو وغوښتل، چې د سيمينار له محتوا او د روزونکو له تجربو څخه اعظمي ګټه پورته کړي.
له بلې خوا چارواکو هم ژمنه وکړه، چې د خپلو ښوونیزو مرکزونو احصائیوي راپور به په سم او معیاري ډول تنظیم کړي.
