د بټې کوټ ولسوالۍ ښوونځيو سره د جاپان کوراری موسسي د درسي او غير درسي توکو مرسته وکړه

دغه مرسته د يادې موسسي استازي انعام الله منتبار لخوا د بټې کوټ د پوهنې امريت د څارنې امر قاري صفي الله په حضور ک توزیع کړه؛ په ياده مرسته کې پلاستیکي سطرنجي، تورې تختي، تخته پاکونه او تباشیر شامل وو.
د ننګرهار پوهنې رياست د کورارې موسسې له دې او ورته نورو برنامو څخه مننه وکړه او هيله يې څرګنده کړه چې نورې موسسې هم په داسې برنامو کې له معارف سره خپلو مرستو ته ادامه ورکړي.
د ننګرهار نجونو ښوونځيو ته د WFP موسسې په دوامداره ملاتړ بټې کوټ، کوټ، پچيراګام، خوږياڼيو او چپرهار ولسواليو سربيره د غني خيلو ولسوالۍ نجونو ښوونځيو ته هم د غوړيو او بيسکټو توزيع په پوره روڼتیا سره ادامه لري.
 پوهنې رياست ژمنه وکړه چې دغه لړۍ به ډېر ژر نورو لرې پرتو ولسواليو ته هم وغځوي.