د بدخشان ولایت یمګان ولسوالۍ د پوهنې آمریت د نوې ودانۍ د بنسټ ډبره کېښودل شوه

media-moe
چهارشنبه ۱۴۰۳/۲/۱۲ - ۱۲:۴۱
15

د بدخشان ولایت یمګان ولسوالۍ د پوهنې آمریت د ودانۍ د بنسټ ډبره، د یو لړ مراسمو په ترڅ کې چې پکې د یاد ولایت د پوهنې ریاست مشرتابه، دیني علماوو، د سیمه ییزو ادارو استازو او د یادې ولسوالۍ د ښوونځیو ښوونکو ګډون درلود، کېښودل شوه.

د یادې ودانۍ ځمکه چې ۹ بسوې ده، د يمګان ولسوالۍ د پوهنې رياست د کارکوونکو له خوا د شاوخوا ۲۰۰ زره افغانيو په ارزښت پېرل شوې.

د مسئولینو په ويناء، یاده ودانۍ په يو پوړ كې، چې څلور دفتري خونې، يو د غونډو تالار، احاطوي دېوال او نور اړين ملحقات په كې شامل دي، جوړېږي.

د يادونې وړ ده، چې د دغې ودانۍ د رغولو ټول لګښت د یمګان ولسوالۍ د پوهنې رياست د ښوونکو، د ښوونځيو د مديرانو او کارکوونکو له خوا ورکول کېږي او په جوړېدو سره به یې د يمګان ولسوالۍ د پوهنې آمریت ستونزې هوارې شي.

د پوهنې وزارت مشرتابه د یمګان ولسوالۍ د پوهنې د کارکوونکو د دغه نېک اقدام څخه د مننې ترڅنګ، زیاته کړه چې د پوهنې آمریت د ودانۍ رغولو لپاره د ځمکې اخیستل د یاد آمریت د کارکوونکو د هېواد پالنې او علم پرورو احساس څرګندونه کوي.

د بدخشان ولايت پوهنې رئيس مولوي نصرت الله فيضاني د یاد رياست دانجنیرۍ څانګې ته لارښوونه وکړه، تر څو د يمګان ولسوالۍ د پوهنې آمریت لپاره ديوې معياري ودانۍ جوړولو ته جدي پاملرنه وکړي.

تازه خبرونه

یکشنبه ۱۴۰۴/۹/۹ - ۱۵:۷
Background image

د لسمو ټولګو له زده‌کوونکو څخه د ځینو درسي مضمونونو معیاري ازموینه اخیستل کېږي

دا چې د درسي کیفیت لوړول او د ازموینو معیاري کول د پوهنې وزارت د ستراتیژیک پلان له مهمو لومړیتوبونو څخه دي؛ نو په همدې موخه د معیاري ازموینو او ښوونیزو پایلو ارزونې ریاست د خپلې کاري. . .

یکشنبه ۱۴۰۴/۹/۹ - ۱۵:۵
Background image

په جوزجان ولایت کې د شاوخوا ۱۰۰۰۰ تنو زده‌کوونکو لپاره د سیمه‌ییزو او چټکو زده‌کړو ټولګي تاسیس شول

د جوزجان ولایت پوهنې ریاست، د ملاتړ کوونکو ادارو په همکارۍ، په یاد ولایت کې د مدارسو او ښوونځيو تر څنګ د سیمه‌ییزو، چټکو او مخکې له ښوونځي څخه د زده‌کړې ټولګي پراخ کړي دي؛ هغه نوښت چې. . .

یکشنبه ۱۴۰۴/۹/۹ - ۱۵:۳
Background image

په کندهار ولایت کې د څه کم ۸ مېلیونه افغانیو په لګښت د یو ښوونځي ودانۍ پرانستل شوه

د کندهار ولایت میانشین ولسوالۍ د زمتو په سیمه کې د اسحاق‌زي ښوونځي نوې ودانۍ، چې د یوې همکارې ادارې په مرسته د ۷.۹۸ مېلیونه افغانیو په لګښت جوړه شوې، د پوهنې چارواکو، سیمه‌ییزو حکومتي. . .

BACK TO NEWS