د امر بالمعروف او نهي عن المنکر د قانون د موادو د توضيح په اړه د پوهنې وزارت کې يوه شانداره غونډه جوړه شوه

media-moe
سه‌شنبه ۱۴۰۳/۸/۱۵ - ۱۱:۴۹
gfdgds

هغه پرتمینه غونډه چې نن د پوهنې وزارت د غونډو په تالار کې د امربالمعروف او نهي عن المنکر د قانون د موادو د توضيح په اړه جوړه شوې وه، پکې د یاد وزارت سرپرست الحاج مولوي حبیب الله آغا، معینانو، مرکزي رئیسانو، کارمندانو او د امربالمعروف او نهي عن المنکر وزارت نظامي معین شیخ الحدیث سعید احمد شهیدخېل او یو شمېر نورو مسئولینو ګډون درلود.

غونډه د قرآن کریم د څو مبارکو آیتونو په تلاوت سره پیل شوه؛ ورپسې د پوهنې وزارت د کیفیت د تضمین معین الحاج مولوي عبدالخالق صادق د مجلس ټولو ګډون والو په ځانګړې توګه د امربالمعروف او نهي عن المنکر وزارت معین ته د ښه راغلاست ترڅنګ وویل، امر بالمعروف او نهي عن المنکر په اسلامي نظام کې یو مهم رکن دی او له ټولو مرکزي رئیسانو او کارکوونکو څخه یې وغوښتل چې په خپلو اړوندو اداراتو کې د ياد اصل تطبيق ته پوره پاملرنه وکړي.

ورپسې د امربالمعروف او نهي عن المنکر وزارت نظامي معین د ياد وزارت د توشیح شوي قانون په اړه ارزښتمن علمي توضيحات وړاندې کړل او ویې ویل: د اسلام دښمنان هر وخت د اسلامي امارت په قوانینو پسې منفي تبلیغات کوي؛ په داسې حال کې چې ياد قوانين سل په سل کې د اسلام د مقدس دين له اساساتو سره موافق دي او تطبيق يې د ټولنې د دنیوي او اخروي سعادت سبب ګرځي.

یاده غونډه د پوهنې وزارت د ښوونې او رزونې د معین الحاج مولوي سخاءالله سعید له لوري د دعائیې په لوستلو سره پای ته ورسېده.

تازه خبرونه

یکشنبه ۱۴۰۴/۹/۹ - ۱۰:۴۱
Background image

پروان ولایت کې د یو باب ښوونځي لپاره د ۱۰۰ پایو څوکیو مرسته وشوه

په کابل کې میشتو خیرخواهانو، د پروان ولایت جبل السراج ولسوالۍ اړوند لکار منځني ښوونځي ته د ۷۰ زره افغانیو په لګښت ۱۰۰ پایې څوکۍ وپېرلې او رسماً یې د یاد ښوونځي ادارې ته تسلیم کړې.
د یاد. . .

شنبه ۱۴۰۴/۹/۸ - ۱۰:۵۸
Background image

فاریاب ولایت کې د ۱۴ مېلیونه افغانیو څخه په زیات لګښت د ښوونځي ودانۍ ورغول شوه

د فاریاب ولایت په خواجه موسی ولسوالۍ کې د "یکه‌تپه" لومړني ښوونځي نوې ودانۍ د یوې غونډې په ترڅ کې پرانیستل شوه، چې د همدغې ولسوالۍ پوهنې چارواکو پکې هم ګډون درلود.
په یاده ودانۍ کې ۸. . .

پنجشنبه ۱۴۰۴/۹/۶ - ۱۱:۳۲
Background image

د سرپل ولایت پوهنې ریاست کې د مدرسینو مسلکي پراختیا ۱۳ بستونو لپاره ازموینه واخیستل شوه

د سرپل ولایت پوهنې مسئولینو په حضور کې د ښوونکو مسلکي پراختیا ۱۳ بستونو لپاره ازموینه د یو لړ مراسمو په ترڅ کې ترسره شوه.
په دې پروسه کې د ۹۵ ګډون‌والو څخه ۵۶ یې د شرایطو وړ وپېژندل شول. . .

BACK TO NEWS