په غور ولایت کې د ۳ولسوالیو پوهنې آمریتونو لپاره د نویو ودانیو بنسټ ډبره کېښودل شوه
د پوهنې وزارت له بودیجې څخه د ۱ میلیون او ۶۵۰ افغانیو په لګښت، د غور ولایت دولینه، پسابند او تیوره ولسوالیو پوهنې آمریتونو د نویو ودانیو بنسټ ډبره د یاد ولایت پوهنې رئیس محترم الحاج مولوي غلاممحمد کاظم له خوا کېښودل شوه.
د پوهنې محترم رئیس د بنسټ ډبرې اېښودلو پر مهال وویل، چې د یادو ولسوالیو پوهنې آمریتونه تر دې مخکې له مناسب اداري چاپېریال څخه بېبرخې وو؛ خو د اړتیا وړ بودجې په منظورېدو سره د پورته ذکر شویو پروژو جوړولو چارې پیل شوې.
د پوهنې مسوولینو د معلوماتو له مخې، د دولینه ولسوالۍ پوهنې آمریت ودانۍ د ۷۰۰ زره افغانیو په لګښت له ۵ خونو او اړوندو ملحقاتو سره، د پسابند ولسوالۍ پوهنې آمریت ودانۍ د ۳۵۰ زره افغانیو په لګښت له ۳ اداري خونو او ملحقاتو سره او د تیورې ولسوالۍ پوهنې آمریت ودانۍ د ۶۰۰ زره افغانیو په لګښت له ۸ خونو او ټولو اړینو اسانتیاوو سره جوړېږي.
