خوست کې د عبدالله خان تڼي عالي دارالمعلمین ودانۍ ګټې اخیستنې ته وسپارل شوه
د خوست ولایت د مرکز اړوند د عبدالله خان تڼي عالي دارالمعلمین ودانۍ د یو لړ مراسمو په ترځ کې پرانیستل شوه.
د یادي ودانۍ د پرانېستې په تړاو جوړو شویو مراسمو کې د خوست د پوهنې رییس نصیراحمد روشان وویل: د دارالمعلیمن نوي ودانۍ ۱۴درسي ټولګي، ۴ اداري خونې، کمپیوټر لیب او لابراتوار خوني، عصري تشنابونه او نورې اړوندې ټولې اسانتیاوې په لرولو سره، د ۲۰ میلیونو افغانیو په لګښت د پوهني وزارت د پر مختیایی بودجي څخه په معیاري شکل جوړ او ګټې اخیستنې ته وسپارل شو، چې له جوړیدو او پرانیستو سره يې د سیمې زرو تنو ځوانانو ته د نیمه لوړي زده کړو خوندي درسي چاپیریال زمینه برابر کړي.
د یادي ودانۍ د پرانېستې په تړاو جوړو شویو مراسمو کې د خوست والي محمد حلیم فدایی، د پوهنې رییس نصیر احمد روشان ، قومي مشرانو، سیمه ییزو چارواکو، ښوونکو او محصلینو ګډون کړی وو.
