آغاز امتحانات سالانه در مناطق گرمسیر مربوط ولایت لغمان
وزارت معارف، لغمان: امتحانات سالانه در ۲۶۶ باب مکتب مناطق گرمسیر ولایت لغمان امروز رسمآ آغاز گردید.
در محفلی که در لیسه عالی مستوره شهر مهترلام ولایت لغمان دایر گردیده بود بر علاوه بریشنا ساپی معاون اجتماعی مقام ولایت، مسوولین ریاست معارف، استادان وشاگردان نیز حضور داشتند.
بریشنا ساپی خطاب به آمرین ومدیران مکاتب گفت: که امتحانات با شفافیت کامل بر گزار گردد تا حق هیچ دانش آموزی پایمال نشده و از دانش آموزان نیز خواست که نظم و دسپلین امتحان را رعایت نمایند.
به گفته عبدالله حمیدی رییس معارف ولایت لغمان در ۲۶۶ باب مکاتب تعلیمات عمومی وخصوصی مناطق گرمسیر به تعداد ۲۰۰ هزار و ۵۱۳۶ تن شاگردان دختر و پسر در امتحان سالانه اشتراک نموده اند.
