د لوګر ولایت په یو ښوونځي کې د څښاک پاکو اوبو څاه کیندلو چارې پیل شوې
د لوګر ولایت محمدآغې ولسوالۍ اړوند محمد جانخان لېسې لپاره د څښاک پاکو اوبو د یوې ژورې څاه کیندلو کارونه پیل شول.
د پوهنې ریاست مسوولین وایي: یاد څاه د یوه معارفپال شخص په مالي مرسته کیندل کېږي، چې ۷۰ متره ژوروالی، د اوبو ایستلو لپاره د لمریزې برېښنا شبکه، د لاسونو مینځلو ځانګړي ځایونه او د اوبو ذخیره به ولري.
ټاکل شوې ده، د دغې پروژې چارې به په دوو اوونیو کې بشپړې او شاوخوا ۲۰۰ زره افغانۍ لګښت به پرې راشي، چې په جوړېدو سره به یې۴۰ تنه ښوونکو او ۱۸۴۵تنه زدهکوونکو ته د څښاک صحي او پاکې اوبه برابرې شي.
