پکتیکا کې د پوهنې ریاست کارکوونکو ته د کرونا وایروس واکسین لګول کیږي
پوهنې وزارت، پکتیکا: د پکتیکا ولایت د پوهنې ریاست کارکوونکو او ښوونکو ته د کرونا وایروس واکسین لګولو بهیر د یاد ولایت د عامې روغتیا ریاست په همکارۍ پیل شو.
د عامې روغتیا ریاست ژمنه وکړه،چې د پوهنې ریاست په همکارۍ به د یاد ولایت په مرکز او ولسوالیو کې د پوهنې ریاست کابو ۵۰۰۰ کارکوونکو او ښوونکو ته کرونا وایروس واکسین لګوي.
د پوهنې رئیس محراب الدین شفق د عامې روغتیا ریاست څخه مننه وکړه چې په یاد ولایت کې یې د پوهنې کارکوونکو ته د کرونا وایروس د واکسین لګولو لړۍ پیل کړه.
نوموړي د پوهنې له ټولو کارکوونکو غوښتنه وکړه چې واکسین وکړي او د عامې روغتیا ریاست لارښوونې په پام کې ونیسي ، څو د یادې ناروغۍ له ګواښونو خوندي پاتې شي.
