د تړل شویو ښوونځیو له بیا پرانېستلو سره سلګونو زده کوونکو ته د زده کړو زمینه برابره شوه
د ننګرهار ولایت په هسکي میني ولسوالۍ کې ۸ بابه ښوونځي چې له ۴ کلونو راهیسې د امنیتي ستونزو له امله تړلي وو، بیرته د زده کوونکو پر مخ پرانېستل شول.
دغه ښوونځي چې د امنیتي ستونزو له امله تړلي وو، د یاد ولایت د پوهنې او امنیتي مسوولینو د هلو ځلو او د قومي مشرانو او ښوونځيو شوراګانو په منځګړیتوب بېرته د زده کوونکو پرمخ پرانېستل شول ، چې سلګونو زده کوونکو ته پکې د بیا زده کړو اسانتیاوې برابرې شوي دي.
د ننګرهار د پوهنې ریاست مسوولینو د یاد ښوونځيو پر فعالېدو خوښي څرګنده کړه او له اوسېدونکو یې غوښتنه وکړه، چې خپل ماشومان ښوونځي ته ولېږي.
دسيمې او سېدونکو او قومي مشرانو دیاد ولایت د پوهنې ریاست ته د ښوونځیو د فعاله ساتلو ډاډ ورکړي او ژمنه یې وکړه، چې په دې برخه کې به هر ډول مرسته او همکاري کوي.
