آغاز پروسه واکسیناسیون کرونا به کارمندان معارف در ولایت لغمان

وزارت معارف، لغمان: پروسه تطبیق واکسیناسیون کرونا برای کارکنان ریاست معارف ولایت لغمان با حضور برشنا ساپی معاون مقام ، رئیس معارف، کارمندان و استادان مکاتب آن ولایت آغاز شد.

معاون والی ولایت ضمن تشکری از ریاست صحت عامه و زحمات کارکنان صحی ولایت لغمان از راه اندازی تطبیق واکسین کرونا برای کارمندان معارف ابراز خرسندی نموده و از همه کارمندان و معلمان خواست تا مرحله نخستین واکسین متذکره را تطبیق نمایند و برای مصونیت خود، خانواده و دانش آموزان از هدایات کارکنان خدمات صحی به طور جدی پیروی نمایند.

قابل یار آوریست که واکسین کرونا به کمک کشور هندوستان از چندی بدین سو برای 5 کتگوری کارکنان خدمات ملکی و نظامی شامل معلمین آغاز گردیده و در دو مرحله تطبیق آن عملی خواهد شد.