په هلمند کې د نجونو یو ښوونځۍ ګټې اخستنې ته وسپارل شوه
د پوهنې وزارت_هلمند: د هلمند ولایت پوهنې ریاست اړوند د چاه انجیر په سیمه کې د نجونو لپاره یو شپاړلس ټولګیزه ودانۍ ګټي اخستني ته وسپارل شوه.
په جوړو شویو مراسیمو کې د هلمند والي تورنجنرال محمد یاسین خان، د پوهنې رئیس محمد داؤد شاه صفاري، د دولتي ادارو یو شمیر مسوولینو، د ښار جوړونې سرپرست او یو شمیر ښوونکو برخه درلوده.
هلمند والي تورنجنرال محمد یاسین خان د ښوونځي د ودانۍ د پرانستي پر مهال وویل چي د خوښۍ ځای دی چې نن ورځ د چاه انجیر سیمه کې د نجونو د زده کړو لپاره زمینه برابر وو او په دې برخه کې یې د ښار جوړوني او پوهنې وزارتونو مننه وکړه چي د همدې ښوونځۍ په جوړولو کي یې ورسره نه ستړي کیدونکي هلي ځلي کړي دي.
یاسین خان د زده کوونکو، ښوونکو، او ټولو کورنیو غوښتنه وکړه چي د جوړ شوي ښوونځي په ساتنه کې خاصه پاملرنه وکړي.
د پوهنې رئیس محمد داؤد شاه صفاري وویل چي یاده ودانۍ په پاخه او اساسی په دوو پوړنو کې د ښار جوړونې وزارت لخوا د ۲۶ میلیونو ۴۴۱ زره افغانیو په مجموعي لګښت د یوه کال په موده کې جوړه شوې، چي ۱۲ تدریسي ټولګي، ۲ اداری خونې، لابراتوار او کمپیوټر لیب خونې، ۱۰ بابه تشنابونه او د احاطي دیوال اونور اړوند تولې ښوونیږي آسانتیاوي لري.
د پوهنې رییس وویل چې اوس مهال ټول هلمند کي د ۷۵ ښوونځیو د جوړونې چارې رواني دي او لا هم هڅه روانه ده تر څو ټولو ښوونځیو ته ودانۍ جوړي کړي.
د هلمند پوهنې رئیس د ښوونځۍ د ښه ساتلو تر څنګ غوښتنه وکړه چي کورنۍ دي د ښوونځۍ عمر لرونکي انجوني یادي ښوونځۍ راولیږئ تر څو وروسته تر زده کړو دوی خپلو کورنیو ته د ملي ارزښتونو سره وسپارو.
