د کانکور د ازموینو د ملي کمیټې مسوولینو او د ننګرهار د پوهنې ریاست مشر تابه تر مینځ ګډه ناسته تر سره شوه

د پوهنې وزارت_ننګرهار: د کانکور د ازموینو د ملي کمیټې مسوولینو او د ننګرهار د پوهنې ریاست مشر تابه تر مینځ د پوهاوي ګډه ناسته تر سره شوه .
په نوموړي ناسته کې چې د ننګرهار د پوهنې په ریاست کې جوړه شوې وه د پوهنې ریاست مشرتابه سربیره د ولسوالیو د پوهنې امرینو، د جلال اباد ښار د دولتي او خصوصي ښوونځیو امرینو او له کابله د ازموینو د ملي کمېټې د مشرتابه راغلي پلاوي برخه اخیستې وه.
په پېل کې د پوهنې ریاست تدریسي مرستیال اول ګل ابوذاهد خبرې وکړې او برخه والو ته یې سپارښتنه وکړه چې د ازموینو د ملي کمیټې د پلاوي سپارښتنې په خپلو کاري ساحو کې په عمل کې پلې او د کانکور ازموینې د برخه والو ستونزی راکمې شي.
د پوهنې ریاست تدریسي مرستیال د ازموینو د ملي کمیټې له راغلي پلاوي هم مننه وکړه چې د کانکور ازموینې په اړه یې شته پوښتونو او ستونزو ځوابونه وړاندې کړل.
بیا د ازموینو د ملي کمیټې د پوښتنو بانک د پراختیا او انسجام ریس سید روضت الله مجید خبرې وکړې ویې ویل په افغانستان کې د کانکور ازموینه له خورا لوړو ژورو تیره شویده.
وروسته د کانکور ازموینې په اړه تخنیکي معلومات د پریزنټیشن په ډول واړندې او په پای کې د برخه والو پوښتنو ته لازم ځوابونه ورکول شو.
سږ کال به د ننګرهار ولایت څخه خواوشاه شل زره تنه د دولسمو ټولګیو فارغان چې (۴۴۰۰) تنه یې نجونې دي د کانکور په ازموینه کې برخه اخلي.