د کندهار د پوهني ریاست په چوکاټ کي د (EMIS) سیستم فعاله شو
د پوهنې وزارت ـ کندهار: د کندهار د پوهني ریاست په چوکاټ کي د (EMIS) سیستم فعاله او په اړوند یې د مرکز کابل څخه راغلي مسلکي غړي د پلان مدیریت مامورینو ته په داسي حال کي معلومات او پوهاوی ورکړ چي د عمومي زده کړو امر محمد طاهر ایوبي هم ګډون کړی و.
ښاغلي ایوبي د راغلي پلاوي څخه مننه وکړل چي د احصایې د راټولو او منظم کولو په موخه یې یاد سسټم فعاله او اړوند مامورین یې وروزل دغه راز یې د پلان مدیریت د مامورینو څخه غوښتنه وکړل چي پر وخت احصائیه راټوله او منظمه کړي ترڅو په راتلونکي کي د احصائیه په اړوند کوم مشکل جوړ نشي .
د (EMIS) هغه سیستم دی چي د لاري یې د کندهار د ټولو تعلیمي مراکزو احصائیه او اړوند فورمې پکښي جمعه او ثبتیږي ترڅو د کندهار د پوهني ریاست ترڅنګ یې همهاله مرکز هم لیدلای شي .
