په ختیزو ولایتونوکې د یونیسف ادارې په روان کال کې په پوهنیز او روغتیایی ډګر کې د ترسره کړلو کارونو بیا کتنه وکړه

د پوهنې وزارت_ننګرهار: په هغه غونډه کې چې په همدې موخه د ننګرهار پوهنې ریاست په کوربه توب په جلال اباد ښار کې جوړه شوې وه دننګرهار ،لغمان،کونړاو نورستان ولایتونو د پوهنې ،کلیوپراختیا او روغتیا ریاستونو استازو برخه اخسیتې وه.
دغونډې دپرانستې پر مهال د ننګرهارپوهنې ریاست تدریسي مرستیال اول ګل ابوذاهد په خپلو خبرو کې دچارو د ترسراوي په اړه حساب ورکول او تیرو کړنو ته بیا کتنه د شفافیت د ټینګښت یو مهم اصل وباله او دیونیسف ادارې نه یې مننه وکړه چې د۲۰۱۹کال په اوږدو کې یې له پوهنیز بهیر سره پام وړ مرستې کړې دي.
دپوهنې ریاست تدریسي مرستیال هیله وښوده چې راتلونکې کال د ننګرهار نفوسو او جغرافیې ته په پام سره خپلې مرستې زیاتې کړي.
بیا په ختیزه حوزه کې دیونیسف ادارې سرپرست ډاکتر محمد نافع کاکړ خبرې وکړې او د ننګرهار پوهنې ریاست سربیره یې د نورو ختیزو ولایتونو د پوهنې کلیو پراختیا او روغتیا ریاستونو له مشرتابه مننه وکړه چې په پوره همغږۍ کې یې خپلی چارې تر سره کړي دي.
همدارنګه د یونیسف ادارې د ښوونیزې برخې مشرې انیتا حیدري په چمتو شوي پرزنتیشن کې د۲۰۱۹کال په اوږدو کې په پوهنیز ډګر کې د ترسره شویو کړنو او شوي لګښنت یادونه وکړه او برخه والو ته یی هر اړخیز معلومات وړاندی کړی.
دقرطاسیې ویش،په بیړنیو حالاتو کې د خیمو او نورو اړتیا وړ توکیو ویش، دنجونو لپاره د سکالرشیپ زده کړو اسانتیاو برابرولو، دراستنو شویو او کورنیو بی ځایه شویو ته د زده کړو اسانتیاو و،له ښوونځي وړاندی د چمتووالی ټولکیو جوړول،د علماو او قومي مخورو سره ناستې او ځينې نورو تر سره شویو کړنو یادونه وکړه چې په په ۲۰۱۹ کال کې په پوهنیز برخه کې دننګرهار کونړ او لغمان په ولایتونو کې تر سره شویدي.
اغلې حیدري وویل په په ۲۰۲۰ کال کې هم په پوهنیز ډګر کې د پام وړ کړنو تر سره کولو لپاره پلانونه چمتو کړي دي.