از روز جهانی معلم در ولایت جوزجان بزرگداشت شد

وزارت معارف_جوزجان: ریاست معارف ولایت جوزجان از روزجهانی وپرافتخار معلم طی محفل شاندارتجلیل بعمل آورد.
در محفلیکه به همین مناسبت درصحن ریاست معارف آن ولایت به اشتراک الحاج مولوی لطف الله عزیزی والی ولایت ، صالح محمد صالح رییس معارف ، رییس شورای ولایتی ، تعدادی از مسوولین ادارات دولتی ، بزرگان قوم، متنفذین، خانواده ها و اولیای ،علمای کرام،محاسن سفیدان،آمرین مکاتب،استادان وشاگردان دایرگردیده بود نخست صالح محمد صالح رییس معارف ضمن قرائت پیام تبریکیه دکتر محمد میرویس بلخی سر پرست وزارت معارف، روزخجسته معلم را به حاضرین تبریک عرض نمود.
بعداً الحاج مولوی لطف الله والی ولایت روز معلم را به عموم حاضرین محفل تبریک گفته وازکارکردهای ریاست معارف به قدردانی یاد نمود.
دراخیر تحسین نامه های مقام ولایت وتحایفی که ازطرف ریاست معارف تهیه گردیده بود برای تعدادی ازاستادان توزیع ومحفل با دعائیه خیرخاتمه یافت.