پکتیکا کې ښوونکو ته روزنیز ورکشاپ جوړ شو
د پکتیکا ولایت مرکز او ولسوالیو د کلیوالي ټولګیو ۱۰۰ تنو ښوونکو ته د مسلکي ښوونې او روزنې تر نامه لاندې د ظرفیت لوړونې ۱۴ ورځنۍ ورکشاپ جوړ شو.
دغه ورکشاپ د یونیسف موسسې له لوري جوړ شوی، چې د محلي زده کړو ښوونکو ته به د علمي او مسلکي ظرفیت لوړونې،د درسي میتودونو د زده کړې او د نویو ښوونیزو مېتودونو په اړه به ګډونوالو ته لازم مالومات ورکړل شي.
د پکتیکا د پوهنې ریاست تدریسي مرستیال محمد نسیم ”واجد“ ګډونوالو ته وویل چې له دې فرصت څخه د سالمې استفادې تر څنګ ددرسي کیفیت ته هم زیاته توجه وشي او هم یې له استادانو غوښتنه وکړه چې په ټاکلي وخت زده کړو ته دوام ورکړي .
نوموړي زیاته کړه، چې د یونیسف او نورو همکارو موسسو په مرسته به د یادو روزنیزو ورکشاپونو لړۍ د پکتیکا ولایت نورو سیمو ته هم وغځوي، چې پرمټ به یې ګڼ شمېر ښوونکي له مسلکي ښوونې او روزنې برخمن شي.
