مکتب سر آهنگران ولایت بامیان به لیسه ارتقا یافت

به اساس پیشنهاد ریاست معارف ولایت بامیان ومنظوری مقام محترم وزارت معارف مکتب متوسطه سر آهنگران مربوط مرکز ولایت بامیان به لیسه ار تقاء نمود.
در محفلیکه بدین مناست در صحن مکتب سر آهنگران تدویر گردیده بود، محمد ایوب آروین رئیس معارف بامیان ارتقای مکتب سرآهنگران را به مردم، استادان و شاگردان آن مکتب تبریک گفته و ارتقای آن مکتب را در راستای تامین دسترسی فرزندان مردم و به‌ویژه دختران محلات مربوط مکتب گام مهمی دانست.
رئیس معارف بامیان ضمن قدردانی از تلاش کسانی که در تاسیس و ادامه فعالیت این مکتب نقش داشته‌اند، فراهم نمودن زمینه تعلیم برای همه اطفال وظیفه معارف دانست و بر نقش والدین در آموزش و پرورش کودکان تاکید نمودند.
قابل یاد آوری است، که مکتب سر آهنگران در دره آهنگران مرکز ولایت بامیان قرار دارد که در سال 1382 تاسیس گردیده بود و این نخستین مکتب لیسه است که در این دره ایجاد گردیده است. شاگردان این مکتب پیش از این از صنف نهم فارغ‌التحصیل می‌شدند، ولی بیشتر آنها به‌ویژه دختران شانس ادامه آموزش را نداشتند .