طنین زنگ مکتب سال تعلیمی جدید در لیسه عالی غازی میرمسجدی خان کوهستانی به صدا در آمد
محفل «زنگ مکتب» وآغاز سال تعلیمی ۱۳۹۸ به اشتراک عزیزالرحمن تواب معاون مقام ولایت کاپیسا، عبدالعلیم عیار رئیس معارف کاپیسا، انجنیر محمد اقبال صافی، انجنیر میر حیدر افضلی نماینده ګان مردم در ولسی جرگه، محمد حسین سنجنی رئیس شورای ولایتی، محمد محفوظ صافی معاون شورای ولایتی کاپیسا روسای ادارات، آمرین معارف و مکاتب ، استاتید، شاگردان و معارف دوستان در لیسه عالی غازی میرمسجدی خان کوهستانی برگزار گردید.
عبدالعلیم عیار رئیس معارف کاپیسا ضمن ارایه خوش آمدید به حاضرین محفل پیام جلالتمآب محمد میرویس بلخی سرپرست وزارت معارف را قرائت نموده؛ دست آورد ها و پیشرفت های سال ګذشته معارف کاپیسا را برشمرده و از پلان های سال آینده تعلیمی معارف کاپیسا برای حاضرین محفل سخن گفت: واز مردم خواست تا درشمولیت اطفال شان به مکتب مبادرت ورزیده وتوجه نمایند
متعاقبآ عزیزالرحمن تواب معاون مقام ولایت کاپیسا پیام عبدالطیف مراد والی آن ولایت را به مردم رسانیده وافزود : راه معارف راه سعادت و رسیدن به قلعه های شامخ خوشبختی بوده و هر قدم منسوبین معارف عبادت است.
