سیستم معلومات مدیریت منابع بشری (HRMIS) ریاست معارف ولایت کابل افتتاح گردید
وزارت معارف_کابل: برحسب هدایت جلالتماب رئیس جمهور ج.ا.ا مبنی بر ایجاد سیستم منظم معلومات مدیریت منابع بشری کارمندان خدمات ملکی برای نخستین بار سیستم معلومات مدیریت منابع بشری در ریاست معارف ولایت کابل افتتاح گردید.
در محفل که به همین مناسبت درمقر این ریاست با حضور داشت محترم خالد ارشد رئیس عمومی انکشاف منابع بشری وزارت معارف، محترمه زرغونه اسلمی رئیسه (HRMIS) کمیسیون محترم اصلاحات اداری وخدمات ملکی، محترم محمد عظیمی رئیس معارف ولایت کابل، معاونین وکارمندان ریاست معارف ولایت کابل، امرین بخش های مربوطه وزارت معارف و کمیسون محترم اصلاحات اداری دایر گردیده بود با قطع نوار افتتاح گردید.
قابل ذکر است که با فعال شدن سیستم متذکره معلومات تمام کارمندان این ریاست به طور دیجیتلی وآنلاین ثبت سیستم گردیده وتمام تغیرات وتبادلات در تشکیل این ریاست بطور آنی درج سیستم خواهند گردید.
