رئیس معارف ولایت هلمند با مسئولین ریاست عمومی منابع بشری وزارت معارف دیدار کرد

الحاج مولوی محمد عوض انصاری رئیس معارف ولایت هلمند در جریان سفر کاری خود به مرکز با مفتی محمد یوسف ثاقب رئیس عمومی منابع بشری و انکشاف اداره و مفتی عبدالحلیم و حلیمی رئیس تشکیل وزارت معارف دیدار و پیرامون تطبیق تشکیل جدید ریاست معارف هلمند بحث و گفتگو نمودند.

در این دیدار رئیس معارف ولایت هلمند، در مورد پیشرف ها، دستاورد ها و مشکلات فرا راه تطبیق ساختار جدید تشکیلات جدید آن ریاست به مسئولین منابع بشری و انکشاف اداره وزارت معارف معلومات ارائه کرده و در راستای حل مشکلات ذکر شده، خواهان همکاری رهبری وزارت معارف گردید.

در مقابل رئیس عمومی منابع بشری وزارت معارف فعالیت های ریاست معارف ولایت هلمند را خوب ارزیابی کرده و در زمینه حل چالش های موجود آن ریاست وعده همکاری سپرد.