تطبیق واکسین کرونا برای کارمندان ریاست معارف غور آغاز شد
وزارت معارف، غور: تزریق واکسین کرونا از سوی ریاست صحت عامه ولایت غور برای کارمندان ریاست معارف این ولایت رسمآ آغاز گردیده و قرار است تمامی کارمندان این ریاست واکسین شوند.
مسئولان صحی در ولایت غور تعهد کردند که واکسین کرونا را برای تمام کارمندان اداری و آموزگاران ریاست معارف در مرکز و ولسوالی های این ولایت تهیه و تطبیق می نمایند.
الحاج فضل الحق نجات آمر تعلیمات عمومی ریاست معارف غور ضمن قدر دانی از تلاش های ریاست صحت عامه این ولایت از راه اندازی روند تطبیق واکسین کرونا برای کارمندان ریاست معارف از تمام پرسونل این ریاست خواست تا مطابق رهنمایی های ریاست صحت عامه عمل کرده و واکسین دریافت کنند، تا از خطرات ویروس کشنده کرونا در امان بمانند.
آقای نجات افزود، که با تطبیق واکسین کرونا کارمندان ریاست معارف از خطر ویروس کرونا محافظت شده و همچنان از شیوع بیشتر این بیماری در نهاد های تعلیمی این ولایت جلوگیری خواهد گردید.
