بانکی سازی سیستم معاشات کارمندان معارف ولایت کاپیسا
وزارت معارف_کاپیسا: این پروسه در تفاهمی با عزیزی بانک درحضورداشت عبدالعلیم عیار رئیس معارف، کارمندان نمایندگی عزیزی بانک و کارمندان ریاست معارف این ولایت، آغاز گردید.
عبدالعلیم عیار رئیس معارف ولایت کاپیسا، بانکی سازی سیستم معاشات کارمندان معارف را در در این ولایت بمنظور سهولت در اخذ معاشات و برقی سازی این پروسه موثر عنوان نموده بیان داشت: با آغاز این پروسه و نصب ماشین های ATM در ولسوالی‌ها، سهولت های بیشتر در اخذ معاشات کارمندان رونما گردیده و کارمندان میتوانند با کارت های اتومات صرافی عزیزی بانک، معاشات شان را به سهولت بدست بیاورند.
شایان ذکر است پروسه ثبت و راجستر کارمندان معارف در ولسوالی ها بمنظور توزیع کارت های ATM توسط کارمندان عزیزی بانک جریان دارد که نخست از ولسوالی حصه اول کوهستان آغاز شده و به زودی در سراسر ولایت عملی خواهد شد.
