په بادغیس ولایت کې ښوونکو لپاره روزنیزه برنامه پیل شوه
د بادغیس ولایت پوهنې ریاست د “اغېزمنې زدهکړې او ښوونې ترویج” تر سرلیک لاندې شپږ ورځنۍ روزنیزه برنامه د مرکز او آبکمري ولسوالۍ۱۳۰تنو ښوونکو لپاره پیل کړه.
د یاد سیمینار موخه د تدریس نوې او اغېزمنې طریقې معرفي کول، د ښوونکو مسلکي پیاوړتیاوو لوړول او د تعلیمي بهیر کیفیت ښه کول دي، ترڅو زده کوونکي وکولای شي، خپلو استعدادونو او وړتیاوو ته په غوره ډول وده او پراختیا ورکړي.
د بادغیس پوهنې رئیس د داسې پروګرامونو ترسره کول د ښوونکو د مسلکي ظرفیتونو لوړولو او د تعلیمي خدماتو کیفیت ښه والي لپاره مهم وبلل او ټینګار یې وکړ چې د ښوونکو لپاره د لا زیاتو ښوونیزو او مسلکي پرمختیايي فرصتونو برابرولو هڅې به دوام ولري.
