په زابل ولایت کې د یوه ښوونځي لپاره د نویو درسي ټولګیو جوړولو چارې پیل شوې
د زابل ولایت ارغنداب ولسوالۍ اړوند سلیمانزائي لومړني ښوونځي لپاره د پنځو نویو درسي ټولګیو جوړولو بنسټ ډبره، د سیمې د خلکو له لوري پر وقف شوې درې جریبه ځمکه کې د ۵۰۰ زره افغانیو په لګښت کېښودل شوه.
د پوهنې ریاست مسوولینو، د علمپروره خلکو له مالي ملاتړ څخه د مننې ترڅنګ وویل:« د یادو درسي ټولګیو ترڅنګ به یوه اداري خونه هم جوړه شي، چې په بشپړېدو سره به یې له ۲۵۰ څخه زیاتو زدهکوونکو ته مناسب ښوونیز چاپېریال برابر شي».
