په کابل ښار کې د يو منځني ښوونځي د وړکتون او یو محراب جومات بيارغونې چارې د ۶۱۰ زره افغانیو لګښت سره بشپړې شوې
د کابل ښار پوهنې رئیس قاري عبدالباسط حقاني وايي: آتمې ښوونیزې ناحیې اړوند بي بي شمسو منځني ښوونځي په انګړ کې د یو محراب جومات او یو وړکتون بیارغونې چارې بشپړې او ګټې اخیستنې ته وسپارل شوې.
د ياد ښوونځي د جومات او وړکتون د ترميم چارې د همدغه ناحیې د اوسېدونکو له خوا تمویل شوې دي.
دغه راز د بیارغونې پروژه کې د لمريزې برېښنا سيسټم نصبول هم شامل دي، چې په بي بي شمسو ښوونځي کې فعال شوی دی.
