د لوګر د پوهنې ریاست د غونډو تالار په اړینو وسایلو سمبال شو
پوهنې وزارت_لوګر: د لوګر ولایت د پوهنې ریاست د غونډو تالار د هېواد د خپلواکۍ د سلمې کلیزې په ویاړ په اړتیا وړ وسایلو سمبال شو.
یاد تالار د پوهنې ریاست پر بودجې په اړتیا وړ وسایلو سمبال شوی، چې د غونډو او کنفرانسونو لپاره د اړتیا وړ وسایل لري.
نوموړی تالار په یوه وخت کې د شاوخوا ۲۵۰ کسانو د ځایولو وړتیا لري، چې له دې وروسته به د پوهنې ټولې غونډې په همدې تالار کې جوړې شي.
د لوګر د پوهنې رئیس عبدالوکیل کلیوال وایي، چې یاد تالار یې د هېواد د خپلواکۍ د سلمې کلیزې په ویاړ په اړینو وسایلو سمبال کړ.
هغه زیاته کړه، چې په دغه تالار کې به د هېواد د خپلواکۍ په ویاړ په راتلونکو ورځو کې یوه لویه غونډه هم جوړه شي.
د لوګر د پوهنې ریاست له دې مخکې د غونډو او کنفرانسونو لپاره ورته مجهز تالار نه درلود، چې اوس دا ستونزه حل شوه.
