د حج او اوقافو وزارت مسلکي معین د پوهنې وزارت د اسلامي زده کړو له معین سره وکتل
د پوهنې وزارت د اسلامي زده کړو معین محترم الحاج مولوي کرامت الله آخندزاده، په خپل کاري دفتر کې د حج او اوقافو وزارت له مسلکي معین محترم الحاج مولوي حافظ محمد حامد حسیب سره وکتل.
په ياده لیدنه کې دواړو لوريو د هېواد د دیني او ښوونیزو چارو د لا ښه انسجام، متقابلې همکارۍ او ګډې همغږۍ پر اهمیت خبرې وکړې او ژمنه یې وکړه چې د دواړو وزارتونو ترمنځ به د همکارۍ او همغږۍ اړیکې لا پراخې او پیاوړې شي.
د غونډې په پای کې دواړو لوريو د دیني او تعلیمي بنسټونو د پیاوړتیا، د قرآني علومو د ودې او د دیني خدمتونو د اغېزمنتیا لپاره د دوامدارې همغږۍ او ګډ کار پر دوام ټینګار وکړ.
