د پوهنې وزارت احصائیې رئیس پکتیکا ولایت ته رسمي سفر وکړ
د پوهنې وزارت د احصائیې رئیس محترم مولوي بسمالله نعماني په مشرۍ پلاوي د اړینو احصائیوي معلوماتو ارزونې او راټولولو په موخه، پکتیکا ولایت ته سفر وکړ او هلته یې د یاد ولایت له پوهنې رئیس محترم مولوي عبدالوکیل خالد سره وکتل.
په یاده لیدنه کې پلاوي د خپل سفر موخه د تعلیمي وضعیت په اړه د دقیقو معلوماتو راټولول، د احصائیو د کره والي ارزونه او د راتلونکو تعلیمي پلانونو لپاره د یو دقیق بنسټ برابرول وبلل.
په دغه ناسته کې دواړو لوریو د احصائیوي سیسټم پر پیاوړتیا، د معلوماتو راټولولو په بهیر کې پر روڼتیا او د تعلیمي چارو لا ښه والي لپاره د همغږۍ پر زیاتوالي ټینګار وکړ.
