په میدان وردګ ولایت کې د ۱۰ بابه ښوونځيو بیارغونې کارونه پیل شول
د میدان وردګ ولایت په نرخ، چک، سیدآباد او دایمیرداد ولسوالیو کې د ۲۱.۷ مېلیونه افغانیو په لګښت د ۱۰ بابه ښوونځیو بیارغونې چارې، د پوهنې رئیس او چارواکو په جضور کې پیل شوې.
د میدان وردګ پوهنې رئیس محترم مولوي محمد عثمان حریت د یادو پروژو د پرانیستلو پر مهال وویل: دغه پروژې له پوهنې سره د همکارې ادارې په مالي ملاتړ پلي کېږي، چې پکې احاطوي دېوالونه، پیاده روونو ترمیم، د ودانیو رنګول، د څښاک پاکو اوبو برابرول او نور اړین ملحقات شامل دي.
د پوهنې وزارت تل هڅه کوي چې د هېواد د ماشومانو لپاره خوندي او معیاري تعلیمي چاپېریال چمتو کړي؛ ترڅو په تعلیمي مرکزونو کې د زدهکړې او روزنې کیفیت لاپسې ښه شي.
