په غزني ولایت کې د شمس العلوم دیني مدرسه پرانیستل شوه
د غزني ولایت د پوهنې ریاست رهبرۍ، د یاد ولایت مقر ولسوالي اړوند په خدا نظر کلي کې د شمس العلوم مدرسه تاسیس او د زده کوونکو پرمخ یې د دیني علومو د زده کړې په موخه پرانیستله.
ياده مدرسه په يو نيم جرېب ځمکه کې د همدغه ولسوالۍ د خلکو په مالي مرسته د يو مېليون او ٥٠٠ زره افغانيو په لګښت جوړه شوې، چې ۵ درسي ټولګي، يوه اداري خونه او نور اړین ملحقات لري.
د پوهنې وزارت مشرتابه د غزني ولایت مقر ولسوالي اړوند د خدای نظر کلي اوسېدونکو په مرسته خوښي څرګنده کړه.
