د غور پوهنې ریاست کارکوونکو ته د وړتیا لوړونې سیمینار جوړ شو
د پوهنې وزارت، غور: د غورولایت د پوهنې ریاست ۱۰۰ تنو کارکوونکو لپاره د وړتیا لوړونې سیمینار د ياد رياست د مالي آمر او سرپرست الحاج عبدالحکيم غفوري، د اداري اصلاحاتو او ملکي خدمتونو استازي او د ياد رياست د یو شمیر کارکوونکو په شتون کې جوړ شو.
د دې ښوونيز سيمينار په پيل کې د پوهنې رياست د عمومي زده کړو آمر الحاج فضل الحق نجات، د اداري اصلاحاتو د کميسيون له لوري د پوهنې رياست د کارکوونکو لپاره، د دې ښوونيز سيمينار له جوړولو خوښي څرګنده کړه.
په یاد ښوونيز سيمينار کې ښاغلي نجات د علم او پوهې پر اهميت او همدارنګه د ظرفيت لوړونې اړوند خبرې وکړې او د ياد رياست له ټولو کارکوونکو يې وغوښتل څو د پوهې په لاسته راوړلو او خپل وړتیا په لوړولو کې هڅه وکړي.
د ملکي خدمتونو د قانون او کارکوونکو د کارونو د ارزونې په موخه د نوې تګلارې جوړول، د ياد سيمينار له مهم موضوعات څخه و چې د اداري او ملکي خدمتونو د استازي له لوري وړاندې او بحث پرې و شو.
