د کنړ د پوهنې ریاست سره د درسي توکو مرسته وشوه
د پوهنې وزارت_کنړ: په کنړ ولایت کې د (Save The Children) نړیوالي ادارې په څوکۍ ولسوالۍ کې د ۳۳ کورسونو لپاره درسي مواد او نورو اړینو توکو مرسته وکړه .
په هغه غونډه کې چي د همدې له امله جوړه شوي وه د یاد ولایت د پوهنې رییس د (Save The Children) نړیوالې ادارې نه مننه وکړه او د نورو مرسته کوونکو ادارو نه یی وغوښتل چې د کنړ د پوهنې او د ښوونځیو له زده کوونکو سره مرستې وکړي.
د پوهنې رییس مجیب الرحمن په وینا یاده مرسته شوي درسی مواد به د څوکۍ ولسوالۍ ۳۳ کورسونو ته په واک کې ورکړل شي.
د کنړ ولایت د پوهنې ریاست په چوکاټ کې د (Save The Children) ادارې له خوا په یاده ولسوالۍ کې د جنګ ځپلو، داخلي بې ځایه شویو، او بېرته راستانه شویو کورنیو ماشومانو لپاره ۳۳ کورسونه جوړ شوي، چې (۱۲۵۴) زده کوونکي به پکې له زده کړو برخمن او دوه کاله به دوام وکړي.
