په پکتیا کې د زده کوونکو لخوا د کتاب ټولولو کمپاین پیل شو
د هیواد خپلواکۍ د ۱۰۰ کلیزې په مناسبت دپکتیا ولایت د مرکز اړوند د غازي ببرک خان ځدراڼ لیسې د زده کوونکو له لوري د کتاب ټولولو کمپاین پیل شو.
د یاد کمپاین له مخې به ددې ښوونځي زده کوونکي د ازادې مطالعې او نورو بیلابیلو کتابونو د راټولولو په پار له مختلفو دولتي او غیر دولتي سرچینو کتابونه راټولوي. د پکتیا پوهنې رئیس کوچي ځاځي د زده کوونکو دغه اقدام ستایي او له اولس په ځانګړي ډول په تجارانو غږ کوي تر څو له دې زده کوونکو سره مرسته وکړي. ددې تر څنګ تدریسي مرستیال هم ددې زده کوونکو احساس د ستایلو وړ وباله او دا یې د ټولنې د بهبود زیری وباله.
