په بغلان کې د ساینس او ښوونیزو مرکزونو وضعیت و ارزول شو
د پوهنې وزارت د ساینس مرکز د رئیس ښاغلي عبدالوکیل الهام په مشرۍ تخنیکي پلاوي، شمال ختیز زون ته د سفر په ترڅ کې د بغلان ولایت د ساینس مدیریت او یو شمېر ښوونیزو مرکزونو څخه لیدنه وکړه.
د یادې لیدنې پر مهال د ساینس او ریاضیاتو لابراتوارونه، کمپیوټر خونې، کتابتونونه، شته امکانات او د عملي زدهکړو بهیر و ارزول شو او د عملي زدهکړو د لا پیاوړتیا او شته ستونزو حل په موخه لازمې لارښوونې وشوې.
همدارنګه، له اړوندو ولایتي مسوولینو سره د ترسره شويو ناستو پر مهال د ستونزو حل په اړه هم خبرې وشوې.
