د کابل ولایت په سروبي ولسوالۍ کې د څه کم ۷ میلیونه افغانیو په لګښت ۱۰بابه ښوونځي ترمیم شول
د یو همکار بنسټ په مالي ملاتړ، د کابل ولایت د سروبي ولسوالۍ په کچه د ۱۰ بابه ښوونځیو ترمیم چارې، د ۶.۸ میلیونه افغانیو په لګښت بشپړې او په دې وروستیو کې د کابل ولایت پوهنې مسوولینو په حضور کې بېرته ګټې اخیستنې ته وسپارل شوې.
د مسوولینو په وینا، په دغو پروژو کې د احاطوي دېوالونو جوړول، د دروازو او قلفونو نصبول، د اوبو رسونې او روغتیايي سیسټمونو فعالول، د ښیښو نصب، د څښاک پاکو اوبو څاګانو کیندل او نور اړین کارونه شامل وو.
