د خوست او پروان ولایتونو پوهنې رئیسانو د پوهنې وزارت اسلامي زده کړو له معین سره وکتل
د پوهنې وزارت د اسلامي زده کړو معین الحاج مولوي کرامت الله آخندزاده د خوست ولایت له پوهنې رئیس محترم مولوي فیض الله جمال حقاني او د پروان ولایت پوهنې رئیس محترم مولوي سید محمد فیضي سره په جلا جلا غونډو کې، د یادو ولایتونو د تعلیمي پرمختګ او ننګونو په اړه بحث او نظرونه تبادله کړل.
د اسلامي زده کړو معین د یادو ولایتونو د پوهنې رئیسانو له فعالیتونو او لاسته راوړنو څخه د ستاینې ترڅنګ ژمنه وکړه، چې د هغوی ستونزې او ننګونې به حل کړي.
په پای کې یادو رئیسانو د اسلامي زده کړو معین څخه د دوی سره د لیدنې له امله مننه وکړه او هر یو په جلا توګه ډاډ ورکړ چې دوی به د تعلیمي سیسټم لاودې په لور له هېځ راز هڅو درېغ ونه کړي.
