کابل ولایت کې د څه باندې ۴ مېلیونه افغانیو په لګښت د ۳ بابه ښوونځیو ودانۍ ترمیم شوې
د پوهنې وزارت چارواکي وايي، په روان لمریز کال کې د کابل ولایت موسهي او شکردرې ولسوالیو اړوند ۳ بابه ښوونځي بیارغول شوي او ګټې اخیستنې ته سپارل شوي دي.
د مسئولینو په وينا، د يادو ښوونځيو د بيارغونې ټول لګښت ۴ مېليونه ۳۱۲ زره ۸۵ افغانۍ وو، چې د پوهنې وزارت له بوديجې څخه ورکړل شوى دى.
د يادو تعلیمي مرکزونو د بيا پرانیستلو په مراسمو کې د پوهنې مسئولينو ترڅنګ، يو شمېر علماءکرامو او د خلکو استازو هم ګډون درلود.
ويناوالو د ټولنې په اصلاح او د هېواد په پرمختګ کې د پوهنې رول مهم وباله او له والدينو يې وغوښتل چې خپل ماشومان مدارسو او ښوونځيو ته واستوئ.
